Aprílrós

Blómadagar

Þá er fyrsta útilega sumarsins afstaðin Cool , við skruppum í Laugarás í gærkvöldi. Það var gott veður en mér fanst frekar kallt eftir því sem seig á kvöldið . Ég var líka orðin þreytt og eiginlega beið eftir tímanum til að fara sofa Gasp . Strákurinn sást nú varla eftir að hann sté út úr bílnum, var í fótbolta og leikjum við aðra krakka. Ég var með kúlutjald í þetta skiptið því tjaldvagninn er annarsstaðar og nennti ég ekki að sækja hann fyrir nokkra klukkutíma enda vöknuðum við í rigningu Woundering .

Á leiðinni heim komum við við í Hveragerði á Blómadögum, mikið afskaplega er þetta skemmtilega uppsett allt saman og fallegt. Tók ég nokkar myndir en vegna vankunnáttu minnar á að setja inn myndir hérna get ég ekki sett inn margar myndir ásamt texta en reyni samt Wink

En mikið var nú gott að koma heim og uðvitað fór sólin að skína aðeins þegar inn í hús var komið Smile . Og mikið var nú gott að fá sér kaffisopann, ég gleymdi nefninlega að taka með mér kaffi Wink . Mér var boðið expresso kaffi en það kaffi finst mér algjört ógeð og finst það ekki vera kaffi, finn bara moldarbragð af því Tounge .