Nammibarir í verslunum

Í frétt á mbl um að taka niður nammibari í Bónus og þar kom spurning um að hvort það borgi sig ekki bara að vera með sælgætið pakkað ?
Auðvitað á allt sælgæti að vera pakkað, að mínu mati er þetta mjög óheilbrygt að hafa lausasölu á sælgæti í verslunum þar sem margar hendur fara um það og bara í það alskonar sýkla.

Þetta er mín skoðun og vona svo sannarlega að allir nammibariri hverfi úr öllum búðum. Ég er mjög ánægð með Bónus að þeir ætli að gera þetta.

Ég hef ekki fengið mér nammi úr nammibörum síðan það var njálgur í nammibar sem mig minnir að hafi verið í Hagkaup, en endilega leiðréttið mig ef það er ekki rétt munað hjá mér.

Kveðja Guðrún

Byrjaðir að taka niður nammibarina

Sveitin

Ég er stödd í Holta og Landssveit. Á morgnana vakna ég við yndislegan fuglasöng, kyrrð og fegurð. Ekkert nema náttúran allt um kring.  Ég reyndar yfirgef þennan yndislega stað núna á laugardaginn kemur 5 mail því miður. Er upptekin allan laugardaginn og sunnudaginn. Á laugardaginn fer ég á Herbalife dag á Grand Hotel, afmæli og síðan að skoða húsið aftur sem ég skoðaði á þrijudaginn var og leist svaka vel á. Nú verður fasteignasalinn minn með í för og einnig sonur minn, annar tvíburinn.  Á sunnudaginn er hugsunin að kíkja í bæinn í Iðnó, harmonikkhátíð, svo á hátíð um kvöldið í hugleiðslu. Nóg að gera.

Ég skilaði síðasta skóla verkefninu í gær, mikill léttir.  Í dag þreif ég bílinn utan sem innan, fann þessa fínu ryksugu hérna og tók allt í gegn í bílnum, mjög fínn núna.  

Í gær kíkti ég á Hellu til Lindu vinkonu minnar og son hennar hann Kormák, mikið var nú gaman og yndislegt að knúsa þau og kreista.  Var hjá þeim allan daginn, mikið skrafað og hlegið.

Góða nótt elskurnar öll sem eitt.   

sumarfrí

Skólinn búinn, síðasta lotan var að klárast um helgina. Enduðum í Hólavalla kirkjugarði í grenjandi rigningu og síðan í Landsnámssetrinu. Ég var orðin gegnum blaut og ísköld svo það var gott að fá sér smá rauðvínstár til að fá smá il í korppinn  . Væri sko alveg til í að fá mér smá danssnúning núna, en það er bara ekki í boði eins og er, kemur seinna. 

Auðkífingur

Já fyrirsögnin er Auðkífingur, ég er ríkari en ég geri mér grein fyrir, loksins er ég skildi dæmið . Já ég er líka rík af ást og kærleik . Já ég er enn að vinna í því að láta drauma mína rætast, elti þá óþreitt og millibilið styttist jafnt og þétt . Nú ligg ég í lærdóm og verkefnaskilum. Námið gengur vel og líka andlega námið . Kom einu sinni upp núna fyrir stuttu að ég lét pirring og reiði ná tökum á mér, en ég gat lagað það sem betur fer. Málið er að ég sendi bréf ekki skemmtilegt til manneskju sem mér þykir afskaplega vænt um og meira en það , en það sagði ekkert um hvernig manneskjan er að haga sér, heldur ég , svo ég senda skilaboð um fyrirgefningu á því og vona að það hafi verið tekið gilt , ég trúi því ef ég þekki manneskjuna rétt  . 

Sonurinn er að vinna í Fjölsmiðjunni og gengur svakalega vel, honum líkar þar mjög vel. Hann fer mikið í fótbolta þegar hann kemur heim á daginn og er það mjög gott.  Ég trúi því að öll sú hjálp sem ég hef fengið hjá mínum frábæru kærleiksríku vinum hefur hjálpað og send okkur ljós og kærleik, já Guð er góður og hefur það margsannast fyrir mér á margan hátt. Sonurinn reiðist ekki eins oft og mikið eins og hann hefur gert, hann hefur meiri strjórn á reiðinni, og það þakka ég Guði og öllu því frábæra fólki sem hafa beðið fyrir honum og okkur. Hann er farinn að setja í þvottavél sjálfur fötin sín . Þrátt fyrir alla erfiðleikana í kringum hann, þá hafði ég alltaf trú á honum og sem betur fer gafst ég ekki upp,hélt alltaf áfram að leita eftir hjálpinni, stundum byrjað upp á nýtt , á ég Guði það að þakka að ég dröslaðist áfram, oft á tíðum uppgefin algjörlega andlega og líkamlega. Í dag er ég sjálf í góðu jafnvægi og kem ég mér oft á tíðum á óvart oftar og oftar um breytinguna á mér. Samt ekki allir í kringum mig allskostar sátt við þær breytingar.  Takk Guð . 

 Núna er ég t.d. að fara klára verkefni sem ég átti að skila á laugardaginn 14 apríl, minnti að það hafi átt að skila í gær 16 apríl.

 

Eigið góðan dag elskurnar.  

Sveitadraumur

Góðan daginn

já nú er mars mánuður á enda, svakalega líður tíminn allt í einu. Ég er full af vor orku, búin að vera í sveitinni meira og minna síðan í byrjun mars. Núna skipti ég við góða vini mína á húsnæði, ég fór í sveitina í þeirra hús og þau eru í minni íbúð, hagræðing.

Já draumurinn sem ég er að elta eða draumurinn eltir mig og ýtir á mig, er sá að ég er að selja íbúðina mína og ætla að fá mér húsnæði úti í sveit eða í jaðri á þorpinu Selfossi, eða kannski fer ég inná Eyrarbakka, það er nú krúttlegur og kósy staður.  Ég er reyndar núna stödd austur í Holta og Landsveit, rétt hjá Laugalandi. 

Sit herna við lærdóm, hef fésið opið og blogga herna. Næ ekki útvarp suðurlands herna inni, hvorki á tölvunni né útvarpinu, en í bílnum en er ekki að fara hanga úti í bíl að hlusta á útvarp.

Eigið góðan dag elskurnar.  

Draumarnir koma í ljós

Ég er aftur makalaus. Fallega sambandið okkar entist í 10 mánuði, veit í rauninni ekki hvað kom uppá. Endirinn var allavega mjög sorglegur og er enn sorglegt.  

Lífið heldur víst áfram samt sem áður, ég er í skólanum og gengur mjög vel. Skráði mig í ferð til Ítalíu sem verður farin í júní, sé til hvað ég geri með það. Langar að heimsækja krakkana mína sem búa í Danmörku, Köpen og Söndenborg.  

Draumar mínir sem hafa legið í felum í mörg ár eru að skjóta sér upp á yfirborðið og ætla ég að leyfa þeim að rætast, enda kominn tími á þá .  Ég er t.d. að læra og svo er bara að taka næsta skref og næsta og næsta og næsta, enda í sviðsljósinu 

  

Gleðilegt ár

Já góðan daginn. 

Af mér er það að frétta að ég er byrjuð í fjarnámi í Borgarholtsskóla í framhaldi í stuðngingsfulltrúanámi. Fjarnám er algjörlega nýr heimur fyrir mér, enda voru smá byrjunarörðuleikar ;)

Ég er farin að stíga út fyrir þægindahringinn og finn ég hversu heft ég hef verið, ég finn fyrir frelsi og liggur við að ég sé óstöðvandi ;) 

Ég man ekki hvort ég hef sagt ykkur að ég kynntist manni í apríl á síðasta ári, alveg dásamlegur maður og gengur það ljómandi vel, við erum frjáls þótt við séum í sambandi, enda ríkir mikið traust og svo erum við líka svo miklir vinir. Við erum í fjarbúð. 

Ég læt þetta duga að sinni. Eigið góðan dag elskurnar  

Yndisleiki

Langar að deila með ykkur að ég er yndislega dásamlega hamingjusöm kona.

Haminga

Skólinn er búinn hjá mér, mér gékk þokkalega vel í prófunum nema kannski síst félagsfræðinni, en það kemur í ljós þegar ég sé einkunirnar. Skólaslitin verða 18 mai. Á þá eina önn eftir og við tekur nuddnámið, það er allavega á dagskránni, en það hefur svo margt gerst sl mánuð að ég vil ekki staðfesta neitt. Kannski verð ég flutt úr bænum, á sveitaheimili með hænur og orðin hænsnabóndi. Svo hitti ég mann 9 apríl í Perlunni á mannmörgum stað ( eins og spákonan mín sagði ) og við erum afskaplega hamingjusöm og ástfangin. Þetta er fyrsta helgin sem við hittumst ekki, hann er að vinna alla helgina, upptökur í dag og spila á balli í kvöld svo aftur upptökur á morgun. Hann er semsagt hljómlistarmaður. Gefur út diska, semur lög og texta og syngur einnig.

Ég fer til Danmerkur 20 júní til dóttir minnar og tengdasonar, ætla að vera hjá henni þegar hún á litla krílið, hún er sett 24 júní, hlakka alveg svakalega mikið til, Þetta er hennar fyrsta barn. Kem heim aftur 7 júlí og þá sé ég hitt nýja ömmubarnið mitt, sem sonur minn og tengdadóttir verða búin að eiga, en þau koma með sitt annað barn. Þá verða barnabörnin mín orðin 4. Hlakka ógó mikið til. Ég er svo rík. 

Svo tekur við ferðalög og útilegur með mínum heittelskaða og syni. Fylgi honum á böllin í sumar líka þar sem hann verður að spila.  

 

Frábær helgi að baki

Frábær helgi að baki, afmælisdagurinn á föstudaginn og fékk ég góða vini í heimsókn, laugardaginn fór ég á deit á tónleikum í Perlunni og bara smullum saman . Framhaldið verður svo bara að ráðast með tíð og tíma, það tekið á rólegu nótunum. Sunnudagurinn tekinn með afslöppun og rólegheitum enda ekki hundi út sigandi. Ansi hvasst í dag. Svo hefst ný skólagöngu vika, síðasta vika fyrir páska, hlakka til að fá smá frí, skólaslitin svo 10 mai hjá mér