Góða helgi

Love ya     

Fótbrotið

á honum Gauk mínum virðis ætla að gróa í spelkunni,   hann er farin að kreppa klærnar og aðeins að tilla af og til og grípa um fingur með klónum, ekki fast enda engin ástæða til þess heldur.

 Við Ingólfur erum búin að vera fylgjsat vel með honum og dekra við hann , baka fuglabrauð með öllum efnum sem fuglar þurfa, milja það í hann og hinn líka náttlega.  Vorum ekki smá glöð áðan þegar Ingólfur minn sýndi mér framfarirnar hjá litla skinninu okkar.  Svo næsta föstudag 23 jan fer ég með hann til dýralæknis og skil hann eftir því þann dag á að rönken myndataka hann, til að sjá hvernig þetta lítur út, hann á allavega eftir að vera 2 vikur enn í spelku. 

Knús og kærleik til ykkar allra   

Fundur einu sinni enn

Í morgun fór ég á enn einn fundinn í skólanum útaf syni mínum eða eiginlega fyrir hans hönd, og í dag kom sálfræðingur með mér sem okkur var bent á að fara til ( útaf kvíða hans ).

Ég var búin einu sinni áður að fara í spjall við hana og svo fórum við bæði til hennar í síðustu viku eins og skólayfirvöld vildu að við gerðum og gekk það reyndar vel og þakka ég fyrir það því á þeim fundi kom enn ein sönnunin frá enn einum aðilanum um minn grun og LOKSIN á fundinum í morgun sá kennarinn og aðstoðarskólastjórinn hversu alvarlegt ástandið er, og LOKSINS í morgun sá kennarinn að þetta er ekki leti og áhugaleysi eins og hann hefur haldið fram við mig, enda sagði ég líka að ég hef alltaf verið að reyna segja þetta en aldrei hlustað á mig. Já það átti aldeilis að koma vandamálinu útfyrir skólann og í viðtöl til sálfræðings vegna kvíða, en kvíðinn er skólatengdur því drengurinn minn upplifir sig sem heimskingja sem veit ekkert og getur ekkert og skilur ekkert þar sem þar fram fer. 

Hún sagði að hann verður að fá sérkenslu núna strax, í öll þessi tæp 8 ár sem hann er búinn að ganga í skólann þá er skólinn ekki að skila neinu til hans því sonur minn er hreinlega ekki að skilja almennar útskýringar þótt okkur þykir þær ekki flóknar þá eru þær mjög flóknar fyrir honum.

 Verðum í sambandi við hana aftur í apríl þennan sálfræðing. Mér leið svo vel að loksins var hlustað og viðurkennt hvað ég er buin að vera berjast við. Þau í skólanum viðurkenndu að þau hafa ekkert gert gagnvart honum þótt pappírarnir hafi komið til staðar, ekkert athugað einu sinni sko.  Svo er annað mál hvort eitthvað verður gert, eins og ástandið er í dag þá í rauninni skiptir engu máli hvort hann er í skólanum eða ekki því það skilar engu eins og ástandið er. 

Ég byrjaði á þessu þegar hann var í leikskóla en þar eins og í skólanum þá var ekki hlustað á mig en ég fékk fram minn vilja þar að tala við talmeina sérfræðing og þar kom fram vandamál, en af einhverjum ástæðum hefur enginn viljað hlusta á mömmuna sem á nú að þekkja barnið sitt best og hafa sínar tilfinningar að ekki sé allt eins og það á að vera. 

Ég þakka þeirri góðu konu sem hvatti mig til að fara í Sjónarhól og ræða við sérfræðing þar og kom sú kona með mér á fund, og svo var ég beðin að fara með hann til þessara sálfræðings og þakka ég það mjög vel og mikið.  

Ég var beðin um gera þetta og hitt bara til að reyna koma vandamálinu út úr skólanum og blanda þessum og hinum í dæmið, en þessi sálfræðingur sagði hingað og ekki lengra það þurfa ekki fleyri að koma að þessu, vandamálið er skólinn og það er skólans að laga hans aðsætður þannig að honum liði vel í sínum skóla.  

Eins og ástandið er í dag þá hefur hann ekkert eryndi inn í almennan bekk í ákveðnum fögum, hann þarf mjög mikla sérkenslu eiginlega einstaklings kenslu, og var það loksins viðurkennt.

Fyrigefið mér ef ég fer í sitt og hvað í þessum skrifum. 

Guð gefi ykkur ljúfar stundir ;) 

 

Myndin

 af mér segir sig sjálf, ég er farin að kyssa froska, og kanna hvort einhver prins birtist úr álögum        

Gaukur

minn er fótbrotinn og var hann settur í spelku í dag og á að fara eftir 2 vikur í rönken, en ef fóturinn fer að verða kaldur og vond lykt þá á ég að fara strax með hann og þá þarf hann í aðgerð til að taka fótinn en ég vona að til þess þurfi ekki.  

 Gaukur minn er páfagaukur ef allir skyldu ekki fatta það af nafninu 

Spákona í gær

Já þær eru misjafnar eins og fólk er flest.  

Ég eiginlega veit ekki hvað skal segja um það en ekki var þetta alveg að passa allt sem hún sagði,eða allavega er ekki komið . 

hún sagði að ég væri mikið innan um börn, ég væri mjög næm og miklu næmari en ég gerði mér grein fyrir ( vissi það ) og ætti að opna augað mitt og nýta mér þetta betur og þá kæmi meiri innri ró hjá mér sem ég þyrfti á að halda.  

Hún sá skólamálin hjá börnunum mínum og sá að eg væri að hjálpa þeim og það færi allt vel og þeim mundi ganga mikið vel þegar það væri komið í gegn, hreinlega blómstruðu.

sá manninn minn  ( á engann sko ) sagði að ég ætti klárlega mann , við færum út i að opna okkar stað og það myndi ganga vel hjá okkur en til þess að opna okkar stað yrðu flutningar t.d, skipta um húsnæði, vinnubreytingar, flutt á annan stað., hún sá líka erfiðleika hjá okkur og vissi hreinlega ekki hvort þetta gengi eða yrði skilnaður en það yrði  mikil synd þvi við viljum það hvorugt.  Og til þess að þetta gangi þá verðum við að tala saman sem við gerum ekki ( engin furða )  og það yrði ég sem tæki af skarið í samræðunum,.  

Ég fór til hennar af forvitni , og jú allt það fyrra er rétt um næmnina, mikið innan um börn , og skólamál barna minna, en manninn !!!   hann treður mér allavega ekki um tær á mínu heimili  , fann hann ekki þegar ég kom heim og hann skilaði sér ekki heim í gærkvöldi  .

Sonur minn er aftur orðinn lasinn, kvef, beinverkir og hiti.  Og annar fuglinn minn veikur í fæti, stígur ekki í fótinn, mér dettur í hug að hann hafi fests í gardínunni í gær og eitthvað farið úrskeiðis þegar hann losaði sig og sonur minn vorkennir honum svo að hann grætur næstum, reyni að fara með hann til dýralæknis í dag, sko fuglinn . 

Læt þetta gott heita í bili,

Kærleiksljós og knús inn í helgina  

HANN

Bergur minn og Bozena koma heim í dag, þau voru í Pollandi yfir jól og áramót, Bergur bað mig að hafa lambakjöt, brúnaðar kartöflur og sósu , hann væri farinn að þrá Íslenkst lambakjöt.  Svo steikin er komin í ofninum á lágum hita og kartöflurnar verða brúnaðar þegar heim er komið í dag.  Hlakka mjög mikið til að sjá þau aftur , liggur við að maður hafi fengið fráhvarfseinkenni af fjarveru þeirra. 

Ingólfur er drullu slappur af kvefinu sem hann nældi sér í á nýársnótt og hef haldið honum heima í gær og dag .  

Fundastand byrjað aftur hér og þar útaf hans skólamáli sem ég er að berjast við og hætti ekki fyr en ég hef þetta í gegn.   Honum leiðist  þessir fundir því hann þarf að koma með mér á suma því hann þarf líka að tjá sig .  

Vinna byrjuð aftur hjá mér en vegna líkamsþjáninga þá hef ég ekki getað farið en ætla reyna að fara á morgun, má varla vera að þvi annars að vinna þvi það er svo mikið að gera í fundarhöldum  , læknum og rannskóknum , en allt þetta kemur að lokum og rútína í fastar skorður fram að páskafríi.  

Framundan hja´mér er undirbúningur fyrir fermingu Ingólfs, byrjaði í haust að sanka að mér svo ég þyrfti ekki að gera það allt á sama tíma. Búin með sumt.

En annars er bara allt í góðum gír, og ætla ég að halda áfram í þeim gír  

Fyrsta blogg mitt árið 2009

Árið 2008 gat ekki endað happylegra  og árið 2009 gat ekki byrjað happylegra.  Á gamlárskvöld hringdi í mig hái dökkhærði myndarlegi maðurinn sem ég sagði ykkur frá fyr í haust, spjölluðum mikið saman. Hann var hjá vinafólki sínu í mat, glens og gaman og allt i fínu með það.

Ég fór til vinafólks míns í Norðlingaholtið þegar skaupið var að byrja,( turfti að taka það upp nefinlega fyrir son minn sem er staddur í pollandi til 7 jan, og ég kann ekki að setja timer á videóið ), við sonurinn skutum þar upp rakettum og sprengjum. Ég splæsti risapakka á son minn. , sonur minn gisti en ég fór heim um hálf tvö.  

Á nýársdag  um hádegi ringdi hái dökkhærði maðurinn i mig  og bauð mér að koma með sér í vinnuna,( já hann þurfti að vinna á nýarsdag kallinn og skel þunnur , enda ekki mikið sofinn ) já og þrammaði með mig um allt hús til að sýna mér hvern krók og kima, og sagði svo við mig að ég væri búin að missa vinnuna þarna, vegna þess að það var önnur sem sótti um, en hann vildi að ég kæmi að vinna þarna , en ég hringdi aldrei . 

Við skelltum okkur í pottana og sundlaugina, vorum alein með allt svæðið, og mikið var það notalegt eftir allt þrammið um húsið og ég orðin ringluð. Vorum þarna allan daginn. 

Ég byrja vinna á mánudaginn 5 jan, en í dag ætla ég að kíkja á útsölur aðeins.

Guð gefi ykkur góðan dag og gott kvöld elskurnar.  

 

Gleðilegt ár

Ég skellti mér í Sandgerði í gær að heimsækja eina bloggvinkonu mína , var það mjög svo notalegt að koma til hennar, svo mikil værð þrátt fyrir fullt hús af börnum. Byrjaði reyndar á því að leita að henni í Garðinum, minnti að hún ætti heima þar, en þegar ég fann ekki götuheitið þar þá á endanum hringdi ég í hana og var að útskýra hvar ég væri, hún kannaðist ekki við neitt og spurði mig hvort ég væri ekki örgglega í Sandgerði ? svo ég hætti að leita og brunaði yfir.

  Á heimlið kom ég við í Keflavíkinni hjá fyrrum nágrönnum og var það notalegt, svo langt síðan ég hef séð þau.,sjá nýja húsið, bara flott. Allt svo vítt og nægt rými.Og að sjálfsögðu var ég yfirheyrð um hvernig gengi heima í húsinu, ástarmálin mín, börnin mín, og bara allt mögulegt.  Þau hjón þykjast vita um mann fyrir mig, og komu þau okkur á blind date sem verður á sunnudaginn kemur, ullala og hann er dökkhærur og keyrir taxa, meira veit ég sosem ekkert um hann nema það sem þau segja, mjög svo góður kall. 

Já gleraugun frægu þessi tvískiptu, fór í gleraugnaverslunina í gær eina ferðina enn til að láta þau vita að þau eru bara als ekki eins glerin, annað er stærra, og já áberandi stærra, enda fasnt mér alltaf þau vera skökk á mér,, já ekki bar á öðru en að umgjörðin væri þræl gölluð svo ég þurfti að byrja uppá nýtt að velja nýja umgjörð og fór dágóður tími í það. Vona að þetta fari nú að ganga þetta gleraugnamál mitt. 

 Ég óska öllum gleðilegs árs kærleiks og friðar  

Jólaboð og vanlíðan

Jólaboð var í dag hjá foreldrum mínum á Akranesi, fórum við þangað ég og sonur minn yngsti og dóttlan kom með uppeftir en fór með stóra bróður heim.  Mætt var alle hele familjen nema annar sonur bróður míns og annar tvíbbinn minn sem er í Pollandi. Var þetta í sjálfu sér flott boð og mikið meðlæti.

En í dag tók ég þá ákvörðun að tala ekki meira við systur mína og ekki reyna það meira,  ég ætla ekki leyfa henni meira né oftar að tala niður til mín með hræsni og niðurlægingu, hún hreytti í mig einu tveggja stafa orði í dag, "hæ" og var það eina sem hún sagði við mig að fyrra bragði. Ég var að reyna tala við hana og var mér svarað með hræsni. Ekki veit ég hvað ég hef gert henni hafi gert eitthvað en mig grunar að hún sé svona við mig og ganvart mér vegna þess að dóttlan mín var mjög erfiður unglingur og lenti í rugli sem betur fer varði ekki lengi, en eitthvað fór þetta fyrir brjóstið á systur minni því eftir þetta hefur dóttir hennar ekki mátt tala við mig í einrúmi né við dóttir mina, , framkoma systur minnar er eins og það se´mér að kenna að dóttlan mín lenti í rugli og ég lélégur uppalandi. Hún gleymir að koma í afmælisveislur sem henni er boðið í til sonar míns og afmæli mins og þegar hún kemur þá kemur hún 1-1 1/2 tíma síðar. Hún kemur ekki svona fram við dóttir mína og mín börn, við þau er hún frekar smeðjuleg, fyrgefið orðalagið. 

Þetta er erfitt og sárt og í dag fékk ég alveg yfir mig nóg og tók þessa ákvörðun., ég lét mig hverfa úr aðal samkvæminu og sat inni í herbergi og horfði á Ladda 6-tugur með krökkunum.

Æ varð bara að koma þessu frá mér því ég er að springa af vanlíðan yfir þessu og með tárin í augunum. Er alsekki að biðja um neina vorkun.

Þarf að gera margt á morgun, skipta dvd sem ég fékk í jólagjöf, galli í myndinni, og skreppa í keflavík í smá heimsókn, og hittingur annað kvöld með grúbbunni minni í 12 sporunum.

Guð veri með ykkur og varðveiti.;