Dýrðar dagur

Ég og sonurinn vöknuðum 5:20 að morgni 6 júní skokkuðum með moggann, hengum svo í tölvunni í smá stund áður en við lögðum okkur aftur .

Skelltum okkur í afmæli til litla frænda okkar 2já ára gæinn , þegar það var búið drifum við okkur með sunnudagsblaðið og þá var komið þetta yndælis veður sól og hiti, okkur langaði ekkert að fara inn svo ég náði í útilegu græjurnar sem ég á í geymslunni ( annað sett í bílnum ) setti út í garð, náði í grillið ( í bílinn ) og grilluðum okkur hamborgara og sátum úti í garði, borðuðum og létum sólina skína á okkur.  Útaf því við fórum ekki í útilegu þá bjuggum við okkur til útilegu úti í garði  en sofum inni 

Ég skutlaði vini mínum á pöbbinn rúmlega 1 og ég kíkti aðeins inn með honum og viti menn, ég sté ekki af dansgólfinu fyren ég fór heim aftur, ég stoppaði um klukkutíma, Oh það var svo dásamlegt að dansa og svífa um gólfið með lokuð augun og gleyma mér algerlega  . 

Semsagt þetta var alveg dýrðar dagur hjá okkur syni mínum 

Eigið ljúfan og yndislegan sunnudag, það ætla ég að gera  

 

viðburðir næstu daga

Góðan daginn allir hér. Hjá mér er vinnan alveg að verða búin, vinna í allan dag og skólaslit kl 18 í dag. Vinn svo 3 daga í næstu viku og þá er hið langþráða sumarfrí komið Jibbý. En mogginn verður til 3 júlí og þá er langbesta sumarfríið komið, þá verður skrölt af stað eitthvað, ættarmót helgina 10-12 júlí vestur í Saurbæ og stefnuskráin er að fara vestur á firði í júlí.  

Á sunndaginn núna mun ég skreppa vestur á Fellsströnd með 2 hesta, er að hjálpa frænku minni og kemur hún uðvitað með mér. 

Sorgar atburður gerðist í nótt,  fuglinn minn dó í smá slysi. Ég jarðaði hann úti í garði í morgun eftir að ég var búin að skokka með moggann. 

Eigið ljúfan og yndislegan dag elskurnar, það ætla ég að gera þrátt fyrir fuglsmissinn, ég veit og finn að hann er hjá mér samt. Blessuð sé minning hans.

Knús og ljós til allra  

Þreyta

Jahérna hvað ég er greinilega mikið þreytt, búin ða sofa í allan dag. Var að byrja á vöðvaslakandi lyfi Amilini ( þunglyndislyf ) og ég bara sef og sef. Ég fékk það ekki vegna þunglyndis heldur gigt. Reyndar var eg bara að byrja á því í gærkvöldi og kanski er þetta bara byrjunin svona, kemur í ljós . 

Eins og sést þá var slökun hér í dag og það alsherjar slökun, vöknuðum um hádegi og ég gafst upp og lagði mig aftur milli 15:30 og 16:00. og vaknaði korter í 18:00. Svefndagur bara  fórum líka seint að sofa, bíóið var ekki búið fyren um miðnætti . 

Skellti reyktu folaldakjöti í pott í kvöldmatinn, mmmmm hlakka til að borða .

Sólin hefur komið af og til í dag, en það er alltaf vindur og hálf kalt. Sumarið er ekki orðið almennilega hlítt finst mér, ég er orðin eitthvað svo kulvís, veit ekki hvað veldur því eiginlega. Ég er alltaf kappklædd meða aðrir eru hálf berir . 

Læt þetta duga að sinni, eigið gott kvöld hvar sem þið eruð og hvað sem þið eruð að gera, farið bara varlega kæru vinir  

 

Dagurinn í dag

Í dag sváfum ég og sonur minn fram að hádegi, fengum frí frá mogganum vegna þess að þetta átti að vera útilegu helgi, en spáin var svo rigningarleg að ég nennti ekki að fara . 

Við fórum í Sandgerði í 70 ára afmæli mágkonu mömmu minnar, það var mjög gaman og sé ekki eftir því  , renndi svo í gegnum Garð og kíkti á aðstöðuna á tjaldsvæðinu þar, allt til alls þar en get trúað því að það sé vindasamt þar, svo opið svæði og alveg niður við sjó , en fallegur staður samt sem áður. 

Við sonurinn skelltum okkur  í bíó í kvöld á myndina Observe and Report,  alveg fínasta mynd .

Vorum í gærkvödli með kósy bara heima í rólegheitum, og morgundagurinn verður eitthvað álíka líka í rólegheitum eða það er allavega stefnuskráin en þeir sem þekkja mig þá vita þau/þeir að  minar stefnuskrá standast mjög illa hehe .

Guð gefi ykkur góða nótt og fallega og ljúfa drauma 

Knús og ljós til ykkar allra  

Vorferð

var farin í dag með krakkana í skólanum, raðað var í 5 bíla og haldi á Þingvöll, borðað nesti og síðan var farið á sveitabæinn Heiðarbæ og skoðað ærnar og lömbin, og svo yndislegt að fá fjárhúsa lykt á sig ummmm, I love it  þó svo mér finnist fjósalyktin betri. Síðan var farið í sumarbústað og grillað hamborgara og leikið smá. Þegar það var búið þá var haldið í Almannagjá og skoðaður hellir sem hægt er að ganga í gegnum. 

Loksins þegar heim var haldið þá var komið þetta fína veður, rokið lægt og sólin farin að skína ótrufluð . Þegar við lögðum af stað um 9 í morgun þá ringdi og gekk á með éljum og frekar kalt að mínu mati, var svoleiðis veður framyfir hádegi. Vorum komin í skólann aftur rétt fyrir kl 16.  

Þegar ég kom heim henti ég fötunum beint í þvottavélina  og hendi sjálfri mér í bað á eftir 

Eigið ljúfar stundir dúllur mínar 

knús til ykkar   

Rættist úr veðri

Úff rigning kl 5:30 í morgun þegar við Ingólfur minn skokkuðum með moggann. Ég lagði mig reyndar aftur eftir klukkutímann, vaknaði rétt fyrir kl 10 og þá var Ingólfur sofandi í sófanum, en hann ætlaði að vaka þangað til við færum út í Viðey. Dóttir mín kom í nótt og skreið uppí til mömmu sinnar, hún kom líka út í Viðey. Viðeyjar ferðin var í boði kvenfélagi slysarvarnarfélagsins. Það var boðið uppá kaffisopa á meðan hitað var upp í grillinu og krakkarnir fóru í snúsnú og eða fóru í fjöruna, voða sport.  Grillaðar voru pulsur/pylsur, lambakjöt og folaldakjöt, bara gott. Farið var með krakkana í siglingu í björgunarbátunum tveimur sem voru í fylgd og svo var bara farið aftur heim.  

Við þrjú fórum í kolaportið, vorum bara að rölta um, skoða, sína okkur og sjá aðra  Svo langt síðan ég hef farið í kolaportið, ekkert síðan í des minnir mig.  

Við Ingólfur leigðum okkur mynd og höfðum það kósý.

Afslöppun á morgun sunnudag.

Góðar stundir allir og allar  

Framtíðarsýn ;)

Frí frá vinnu hjá mér í dag, sumir þurfa að vinna þessa hátíðsdaga . Vinkona mín ein kíkti til mín, og að sjálfsögðu helti ég uppá, notaði tækifærið og hvolfdi bolla til að biðja hana að lesa úr . Hún þurfti hins vegar að rjúka fljótlega til að skutla stráknum sínum á fótboltaleik, þannig að hún tók bollan með sér líka vegna þess að hún var ekki með gleraugun með sér, en það sem hún sá svona gleraugnalaust var heljar miklar breytingar .  Þannig að ég skellti mér til hennar þegar hún var komin heim og hún búin að stúdera svolítið í bollanum, Jú jú heilmiklar breytingar og mikið að ske . Vinna í sumar eitthvað og ferðalög og útilegur, vá ég sá mig í anda ekki stoppa hreinlega og bara ofvirk á fleigiferð . Jú jú vinna í sumar ( sumarvinna ), vinna í haust í afleysingu fram að jólafríi og svo eftir næstu áramót framtíðar vinna sem ég virkilega langar að vinna við ( bara ef ég vissi hvað það er, þá væri ég afskaplega glöð ) . Já og svo þessi blessaði maður, dökkur, hár og myndó hann er enn í bollanum með unglingana sína tvo, hann hlítur að vera orðinn þreyttur að hanga svona í bollanum, svo hann á að fara stíga eða hoppa úr bollanum, ég mun sjá hann og hitta í útilegu og ég á að vita hver þetta er, hún segir að ég þekki hann frá árum áður, við höfum aldrei verið saman, og við byrjum ekki saman fyren undir haustið segir hún, þangað til sé bara hittingur, og síðan sé ekki aftur snúið. Hann sé yndislegur maður, ekkert vesen á honum. Gæti verið skólabróðir minn þessvegan, mæ God , þarf að fara vestur að Laugum og skoða skólamyndirnar sem hanga uppi á veggjum þar og skoða hehehe. Svo það er eins gott að fara drífa sig af stað og líta í kringum sig á útilegu svæðunm hehe ,  enda er hvítasunnan um mánaðarmótin svo fínt að byrja þá ef veðurspá er góð . Ég allavega sé ekki fyrir mér neinn sem ég þekki mér við hlið, en aldrei að segja aldrei svo mikið er víst . 

Svo eru líka svo miklar breytingar í mínu lífi, allt svo jákvætt og skemmtilegt, hreinsun hreinlega frá a-ö.  

Í allri kreppunni á að  þykknar í buddunni í þessari sumarvinnu og einnig í haust og eftir næstu áramót í framtíðar vinnunni. 

Hlakka til  framtíðarinnar bara með alla þessa ást, gleði og gamanið 

Eigið yndislega daga, það ætla ég að gera og njóta  

Sumarið

loksins komið.

Oh hvað ég ætla að fara í Nauthólmsvík á fimmtudaginn ef sumarið verður ennþá, fara á ströndina

Ég er að fara að labba í dag í Straumsvík, bara nice og æðislegt. Nota veðrið til útiveru. Ég labba reyndar á hverjum morgni uppúr kl 6 og fer svo í laugina uppúr kl 6:30, bara ekkert annað en nice, hressir mann fyrir daginn.

Eigið yndislegan sólardag dúllurnar ;)

Jey Jey

búin að fá garnið sem ég er búin að vera leita að alla vikuna , fann það í Mólí í Hamraborg. Afhverju datt mér ekki í hug að kíkja í Hamraborgina ?  Og vegna ég var að glápa í kringum mig í Hamraborginni  á meðan ég var að keyra þá var ég næstum búin að keyra niður mann á gangbrautinni , munaði hársbreidd. Ein upptekin af sjálfri sér ha ! Ég verð semsagt ekki mikið við tölvuna því ég ætla að keppa við tímann, svo þið vitið hvað ég er að gera í fjarverunni . 

Eigið skemmtilegt Idol kvöld og eurokvöld annað kvöld,. Ég missi af keppninni en ætla að taka hana upp því mig langar að sjá hana þótt ég verði búin að vita útslitin. 

Góða helgi allir og njótið veðursins í botn  

Isbjörninn blekking

Mér finst þetta mjög alvarlegt mál ! Hvað voru þessir menn eiginlega að hugsa ?   Það á að skikka þessa tvo menn til að borga allan brúsann. 

Peningarnir eru samt minsta málið í þessu, heldur ábyrgðarleysið og hugsunarleysið í þessum tveimur mönnum að ljúga til um Ísbjörninn.  

Ísbjörninn blekking